منتدى الرومانسية والحب
 
الرئيسيةالبوابةاليوميةمكتبة الصورس .و .جبحـثالمجموعاتالتسجيلدخول

شاطر | 
 

 والله طريقه أكيده للإمتناع عن التدخين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lostlove
عضـــــو مــــاسى
عضـــــو مــــاسى
avatar

عدد الرسائل : 975
العمر : 29
السٌّمعَة : 0
نقاط : 6
تاريخ التسجيل : 24/06/2008

مُساهمةموضوع: والله طريقه أكيده للإمتناع عن التدخين   الأحد أغسطس 10, 2008 11:08 am

والله يا جماعه الموضوع كان صعب جدا جدا جدا
انا كنت مدخن شرس والله , مش هتصدقوا لو قولتلكم اني أحيانا كنت اشرب 4 أو 5 سجاير ملحومين في بعض بلا توقف.
المشكله ان السجاير كانت مرتبطه معايا بكل حاجه:

1. لما اصحي لازم سيجاره على الريق.
2. لما افطر مع كباية الشاي لازم سيجاره عشان تعدل الدماغ.
3. وانا نازل رايح شغلي أو خارج لازم اشرب سيجاره.
4. وانا راكب العربيه لازم سيجاره.
5. وانا واقف في البلكونه.
6. بعد شغل كتير.
7. .وانا فرحان.
8. .وانا مخنوق ومضايق ومنرفز.
9. وانا بتكلم مع حد في موضوع مهم وبفكر.
10. وانا قاعد مع اصحابي.
11. لازم سيجاره قبل ما أنام على طول.
12. وانا بشرب عصير.
13. والله احيانا وانا بشرب لبن.

بإختصار السيجاره كانت معايا في كل الاوقات:

طرق التغلب على التدخييييييييييييييييييييييييييييييت

*أول مره حاولت أببطلها عشان صحتي: قولت يا واد لازم تبقي رياضي وتبطل عشان صحتك وشبابك, وللأسف فشلت فشل ذرييييييييييييييييييع.
*تاني مره قولت ابطل عشان الشكل الاجتماعي, قولت عيب يبقي ريحتك سجاير بالطريقه المقرفه دي والناس تتخنق منك, لكن مجرد ما دماغي (شعشعت) شويه رجعت على طول.
*تالت مره قولت هبطلها عشان الفلوس , قعدت حسبت انا بصرف أد ايه في السجاير في السنه الواحده لقيته مبلغ ضخم , ممكن تعيش منه اسره متوسطة الحال , لكن برضه ده مجابش نتيجه نهائي ولقيت نفسي بقول لو هصرف كل فلوسي في السجاير هشتري برضه.
*رابع مره والله يا جماعه قولت هبطل عشان حرام , بس عشان حرام , بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, بس عشان حرام, ممكن أكررها مليون مره لكن كانت هي دي نيتي _ الله_ وكفايه اني ابطلها عشانه _ الملك _ واستعنت بالله ودعيت كتير وتمسكت بالطريق كتير ومكنتش مصدق اني هقدر ابطلها لكن ولله الحمد بطلتها نهائيا ً بفضل الله.
لكن بصراحه الموضوع مش كلام وخلاص لازم شوية تعب وخطوات منك تكمن في الشروط التالية :

1.النيه لازم تكون خالصه لله بس , يعني مينفعش انك تنوي انك هتبطل التدخين عشان حرام وبرضه عشان اوفر الفلوس.
2.الاستعانه الكامله بالله , انت لوحدك مش هتقدر تعمل حاجه ابدا ً , لأنك ضعيف والشيطان ةنفسك والهوى بيجيبوك يمين وشمال , لكن لو استعنت بالله محدش هيقدر عليك.
3.انك تمني نفسك برضا الله عنك عشان بتترك معصيه له وحده وتتمني أن يدخلك الله الجنة بخوفك منه وانك بتنهي نفسك عن الهوي.
4.الإكثار من الطاعات وهو ده الجزء الصعب شويه ( وخاصة الصوم ) لرضا الله وتهذيب النفس.
5.أهم حاجه بعد ده كله انك تبعد عن أي حد مدخن ولو أخوك , كل اللي انا قولته ده بلا قيمه لو بتقعد على قهوه ولا بتمشي مع ناس مدخنين , على الاقل ابعد عنهم وقت التدخين بحيث لا تراهم حتى عيناك.
نصيحه لله

*إوعي بعد ما تطبق ده كله تفتكر نفسك واد جامد أو انك بطلت بإرادتك وقوتك وجبروتك , واعرف قدر نفسك وان ربنا هو اللي من عليك ( مين يعرف كان ممكن تروح فين بسبب السيجاره دي)
*خلى بالك ان اليطان ونفسك مش هيسبوك في حالك أبدا ً وهيقعدوا يقولوك حاجات كتير منها يا عم انت هتعمل فيها شيخ , وبعدين في ناس كتير محترمين وبيدخنوا.
*خلي بالك ممكن يكون الموضوع ده هو الحجه اللي ربنا بيقيمها عليك دلوقت عشان تبطل تدخين , إوعي تقول لأ.

أرجو نشر الموضوع لتعم الفائده وربنا ينجي الأمه من هذا الداء
____________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
والله طريقه أكيده للإمتناع عن التدخين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أحــــلـــــى دنــــيــــــــــــا :: دنيا الحب :: المنتدى الأسلامى-
انتقل الى: